سال بھر کے لیے بیماریوں‌ سے چھٹکارا پائیں

موسم بہار میں جسم سے فاضل مادوں کے اخراج کا قدرتی عمل وقوع پذیر ہوتا ہے اس عمل کو تیز کرنے کے لیے اس موسم میں فصد کیا جاتا ہے۔ لوگ کڑوی ادویہ، استعمال کرتے ہیں، ملین یعنی Laxative ادویہ کا استعمال کر کے پیٹ کو صاف کیا جاتا ہے۔ پچھنے لگوا کر جسم میں خون کی مقدار کم کی جاتی ہے جس کے نتیجے میں بیماری پیدا کرنے والے عناصر جسم سے خارج ہوتے ہیں اور انسان سال بھر کے لیے اکثر بیماریوں‌ سے محفوظ ہوجاتا ہے۔ واضح رہے کہ فصد سے جسم میں عارضی کمزوری ہوتی ہے اس لیے فصد کے بعد نرم مقوی اور زود ہضم غذا کے استعمال سے جسم میں طاقت اور توانائی کی ایک لہر دوڑ جاتی ہے۔ اس دور میں فصد کا بہترین ذریعہ خون کا عطیہ دینا ہے۔ خون کا عطیہ دینے والوں کے لیے یہ موسم سب سے اچھا ہے۔ خون کا عطیہ دینے کے بعد یخنیوں اور پھلوں کا استعمال کریں۔ اور سال بھر کے لیے بیماریوں‌ سے چھٹکارا پائیں۔