صفراوی مزاج کی علامات

واضح ہو کہ صفراء کا مزاج گرم خشک اور رنگ زرد ہے اس مزاج کے حامل افراد کو پیاس زیادہ لگتی ہے اور بھوک کم۔ منہ کا ذائقہ کڑوا ہوتا ہے۔ خارش اور قبض بھی بعض اوقات اسی سبب سے ہوتی ہیں۔ ناک، کان اور آنکھ میں خشونت یا کھردرا پن موجود رہتا ہے۔ متلی اور پھریری آتی ہے۔ صفراء کا جتنا زیادہ غلبہ ہوگا اتنی ہی اس کی زرد رنگت جلد، زبان، آنکھ اور قارورہ سے ظاہر ہوگی۔ صفراوی مزاج والے افراد کو گرم اشیاء کے کھانے سے تکلیف اور سرد غذا کھانے سے فائدہ ہوتا ہے۔ صفراء کو اعتدال پر لانے کے لیے سکنجبین بارد ایک بہترین غذائی ٹانک کے ساتھ مؤثر دوا بھی ہے۔